Written by Jessy Vilanova - Friday, 16 April 2010CJITL flash, Sekretaria Estadu Promosaun Igualidade (SEPI) Idelta Maria Rodrigues husu ba Embaxadores Timor Leste nian iha mundo tomak atu halo diplomasia no socializa makas konaba feto Timor Leste ida ne’ebe iha atu sai membru komite CEDAW - the Committee on the Elimination of Discrimination against Women iha Nova Yorke.
“Ohin hau halo inkontru ho embaxadores TL iha mundo tomak iha Ministeriu Negosio Estranjeiru - MNE atu fo informasaun konaba saida maka governu no estado halo atu fo suporta ba ita nia kandidata Milena Pires”, dehan Idelta Rodrigues, Kuarta feira ne'e iha Salaun MNE, Dili.
Sekretariu Estadu ne’e esplika katak sei tu’ur hamutuk ho Ministru Negosiu Estrangeirus hodi koalia oinsa bele halo promosaun ba Milena Pires nudar kandidatu feto husi nasaun Timor Leste ba komite CEDAW iha Nova Yorke.
Nia fiar katak kandidatu feto Timor Leste ba komite CEDAW ne’e sei manan iha eleisaun tanba ne’e presiza iha servisu maka’as mos husi embaxador sira iha rai liur.
“Hau fiar katak Milena Pires sei manan tamba esforsu lubun bo’ot ida hanesan informasaun ne’e Embaxadores sira dehan ema barak halo ona votus”, katak Idelta.
Iha fatin hanesan Embaxador Timor Leste ba Zeneva, Joaquim Fonseca hateten presiza iha esforsu maka’as duni husi Embaxador sira atu nune’e bele promove feto Timor Leste iha mundu internasional.
“Hau hanoin ita nia rain estado fo komfiansa ba nia promove a’an atu kandidata ida ne’ebe forti ba komite CEDAW”, dehan nia.(Jesy/CJITL)
No comments:
Post a Comment